Umiarsuarmik assartuineq angallassinerlu

Kalaallit Nunaata iluani assartuinerup angallassinerullu aaqqissuunneqarnerani umiarsualiviit pingaarnertut inissisimasut ilagaat, illoqarfiit nunaqarfiillu ilaanni angallassineq, assartuineq pilersuinerlu imaatigut angallannikkut ingerlanneqartarpoq umiarsualivinnilu aamma aalisariutinik aalisartunillu kiffartuussisoqartarluni.

 

Kalaallit Nunaanit, avataanit aammalu nunap iluani nassuissanik assartuineq umiarsuaatileqatigiiffimmit Royal Arctic Line A/S- imit ingerlanneqarpoq. Grønlandshavni Ålborgimiittoq nassiussanik Kalaallit Nunaannukartunik Kalaallit Nunaanninngaanneersunillu umiarsualiviit pingaarnersaraat.

 

Illoqarfinni nunaqarfinnilu nassiussanik assartuineq Royal Arctic Line Bygdeservice A/S-imit ingerlanneqarpoq.

 

Umiarsuaatileqatigiiffik Arctic Umiaq Line A/S 1997-imiilli kitaani ilaasunik angallassisuulerpoq. Arctic Umiaq Line A/S Air Greenland A/S-imit Royal Arctic Line A/S-imiillu ataatsimoorussamik pigineqarpoq. Umiarsuaatileqatigiiffik ilaasuik niuernerpalaartumik kiffartuussisarpoq ilaasartaammillu ataasiinnarmik ilaasumik angallassineq ingerlataralugu. Sineriak tamakkerlugu umiarsuaateqarneq pisortatigut tapiiffigineqarani ingerlasinnaanngilaq taamaattumillu ukiuni 2012-imit 2016 tikillugu agguaqatigiissillugu ukiumut 10 mio.kr.-inik umiarsuaqarneq tapiiffigineqartarpoq.